Plurtaskado (komputilo)

Modernaj labortablaj operaciumoj kapablas manipuli grandajn nombrojn da malsamaj procezoj samtempe. Ĉi tiu ekrankopio montras Linux Mint funkciigantan samtempe grafikan uzantinterfacon Xfce, Firefox, kalkulilo-programon, la enkonstruitan kalendaron, Vim, GIMP, kaj VLC Media Player.

Plurtaskado en komputiko (angle Computer multitasking) estas metodo por kvazaŭ ŝajnigi ke unu komputila procesoro traktas plurajn taskojn (programojn aŭ partojn de ĝi) samtempe. La operaciumo tre rapide ŝaltas inter la diversaj aktivaj programoj. Tiuj ĉi ŝaltoj, angle nomita context switches povas libervole esti iniciatitaj de ekstera evento kiel aparatara interrompo (peto por ricevi procesortempon).